海皇園林酒家

一日前已預早同海鮮檔講話想食凍食阿拉斯加長腳蟹，所以下晝已經整定隻蟹。
寫好晒菜諗住一開始可以食隻長腳蟹，點知佢一嚟就俾啲蒸鮑魚蒸扇貝我仲要好急咁上，我話我隻長腳蟹呢？佢先至攞嚟，仲要成隻長腳蟹雪到僵硬晒，佢話佢唔記得喺個冰箱攞返出嚟喎，大佬點食啊，我嚟食新鮮海鮮，你將嗰隻蟹變咗做急凍仲要雪到冰晒？

上菜上得超級急，我成枱都係餸，佢都夾硬要放碟炒飯落嚟，仲要夾硬放喺嗰啲前菜嘅花生碟上面疊住都要堅持上，你話冇嘢啊？個海鮮都未食晒啲嚟炒飯？

我得到嘅補償係一碟生炒骨，同埋將個炒飯upgrade咗做生炒糯米飯，真係多謝晒！