神戶屋日韓放題

營業中

休息中

放題食得多，日韓式放題加火鍋真係第一次。黎到先算湯底，壽喜燒唔錯，肥牛肉質亦正，可惜我地唔夠大食，眼見隔離枱追加肥牛，擺盤好靚，一般火鍋既料你諗到都有，魚皮餃，響鈴都有。之後就上刺身拼盤，好靚，打卡iable, 新鮮足料。最愛生蠔，海膽，帶子，肥美三文魚。之後唔講得笑，基本每樣試一樣都飽到你行唔郁。推介炸鮮奶，雞皮串，雞肉串，牛舌同羊架又大又好味。仲有榴連丸子同紫薯仔都好味。仲有菠蘿超甜。飲品種類多，連少見既椰汁奶茶都有。雪糕每人一杯，movenpick 正。順帶一提呢到service 好好，冇漏單唔止，最感動係阿仔想要士多啤梨味雪糕，哥哥仔真係搵好耐，搵到最後一盒俾佢，抵讚。