影片
更多
2009-08-16
79 瀏覽
依餐係媽子生日第二炮。由於細枱不設訂座，所以我o地一家四口未夠7點就到左啦。可以係早既關係，冇咩人。服務好、上菜快，個樓面仲話認得我Daddy，當我o地係熟客咁話! 講吓叫左d咩先: 海皇冬瓜盅 ---------- 正野! 冇得彈 用料豐富有蝦仁、燒鵝、金華火腿、雞肉等，連蟹肉都有! $168一盅有5碗份量，而且唔會係重味精湯底，夏天必食! 自選四式鹵水拼盤 ---------- 小弟細個果時好中意食鹵水野，唔知係把嘴尖左，定係口味轉左，近年都好似冇點咩食過令我回味ge鹵味。果拼盤都OK大碟，幾抵食吓! 鵝片 ---------- 唔夠厚身，口感略欠。肉質亦比較韌，材料不是上等貨色。 鵝掌 ---------- OK ge，不過都幾standard吓~ 墨魚片---------- 都係standard野~ 五花腩 ---------- 唔多得，炆得唔夠淋，改豬頸肉可能會正d 豆腐 --------- 送ge! 但係竟然係全碟至好味 翡翠炒斑球 ---------- 用料係普通野，建議食貴d叫條游水斑好過~ 黑椒牛柳粒 --------- 都係果句，食牛唔好食平ge，始終一分$一
海皇冬瓜盅 ---------- 正野! 冇得彈 用料豐富有蝦仁、燒鵝、金華火腿、雞肉等，連蟹肉都有! $168一盅有5碗份量，而且唔會係重味精湯底，夏天必食!
自選四式鹵水拼盤 ---------- 小弟細個果時好中意食鹵水野，唔知係把嘴尖左，定係口味轉左，近年都好似冇點咩食過令我回味ge鹵味。果拼盤都OK大碟，幾抵食吓!
鵝片 ---------- 唔夠厚身，口感略欠。肉質亦比較韌，材料不是上等貨色。
鵝掌 ---------- OK ge，不過都幾standard吓~
墨魚片---------- 都係standard野~
五花腩 ---------- 唔多得，炆得唔夠淋，改豬頸肉可能會正d
豆腐 --------- 送ge! 但係竟然係全碟至好味
翡翠炒斑球 ---------- 用料係普通野，建議食貴d叫條游水斑好過~
黑椒牛柳粒 --------- 都係果句，食牛唔好食平ge，始終一分$一分貨，$68碟係食唔到好野ge
鮮茨實百合煮蝦煲 ---------- 出乎意料之外地好食! 「茨實」好淋但有口感，同煲湯果d係兩回事! 其實材料亦佳，芋頭同椰汁個味好夾。雖然蝦細隻左d，但有鮮味，仲有膏添
潮州蠔仔粥 ---------- 好鮮甜同足料ge粥! d 蠔唔細，啱啱熟的。肉碎同方魚都幾夾，小弟認為係全晚之冠!
紅豆沙 ---------- 送ge~ 都算係咪
總括來說依餐飯都ok滿意，價錢唔貴，味道亦可以。而佢地ge服務我o地就好滿意啦! 今晚入來冇耐Daddy就好快咁比人認出左。媽子坐落見凍要換位，d樓面動作快又一d都冇黑面。叫野果陣我o地改左好多次，佢都好有耐性咁等。有下次! 我係為今時今日應有ge務服而來的!
張貼
