元気寿司 (已搬遷) 新店位置

元氣壽司的確係香港好多年,質素能夠保持水準, 德福分店更是我常去的一間。星期五六日最好預早用遙距取飛,因為會好多人, 今晚約左舊同學交收, 齊齊食個快飯, 就揀左德福元氣壽司。呢間店都好多年,都光顧左好多年,人手雖然不停變,有的眼見已升上主管位置,但服務依然係良好的。最稱心係地方清潔,職員快手快腳我都好早去加上平日,還可以安排卡位(迴轉卡)比我們。因為與舊同學各自都要回家食飯,所以唔會拎太多碟。元氣卷通常都會食一碟,如果落ORDER,師傅即整時魚皮係會較脆,係迴轉取時多數會硬身,我兩樣都喜歡。玉子卷玉子好JUICY, 唔沾上醬油都得。腐皮卷本身麻麻腐皮,覺得好甜。左口魚壽司好喜歡左口魚的口感, 咬入去魚油味好重, 你會感覺到成口都係油鰻魚壽司如果飯粒係暖身,配上鰻魚片仲正秋刀魚壽司食左兩碟,唔會腥。口感爽爽地。油甘魚壽司好新鮮, 油脂分佈平均牛油蜆肉烏冬見到係新產品所以一試,蜆肉充滿牛油味,相反烏冬就細碗左好多。整體服務水平及食物質素都能夠保持優秀, 加上元氣常多推出新款壽司及食物, 令到新鮮感大大提高。