影片
更多
2009-10-31
30 瀏覽
習慣了一日一杯咖啡多年, 平日常去 Starbucks。 今日到太古城, 貪新鮮試一試 Habitu, 結果就出事了!先說落order - 排喺我前面只有兩個客, 他們點的東西都是十分簡單, 不外乎咖啡, 蛋糕, 但是竟然要等十分鐘才輪到我落 Order, 唉! 都算啦, 我點了一杯 Tall Americano, $30!! 比 Starbucks 足足貴 $6!! 都算, 心想如果好飲, $30 都值, 不過.................店員問我是 "喺度飲定攞走", 我話 "攞走, 於是行過去bar 的另一邊等......點知等到我後面的客人攞走飲品都未見我嗰杯, 店員問我 "你等緊乜嘢?"....心想, 嘩, 咁唔客氣嘅?!我話等緊 tall americano, 店員就指住個瓦杯, "呢杯咪係囉! ", 於是我咪話 "攞走架喎!", 店員才把瓦杯咖啡倒入紙杯. 我見佢地唔好似starbucks 咁有cream 或milk 可以自己加, 於是我請店員 "唔該可唔可以加 D 鮮奶入咖啡?" , 點知, 個店員話 "你嗰杯係黑咖啡, 無奶架喎!" 咖啡沖出黎當然係黑架啦! 奶
今日到太古城, 貪新鮮試一試 Habitu, 結果就出事了!
先說落order - 排喺我前面只有兩個客, 他們點的東西都是十分簡單, 不外乎咖啡, 蛋糕, 但是竟然要等十分鐘才輪到我落 Order, 唉! 都算啦, 我點了一杯 Tall Americano, $30!! 比 Starbucks 足足貴 $6!! 都算, 心想如果好飲, $30 都值, 不過.................
店員問我是 "喺度飲定攞走", 我話 "攞走, 於是行過去bar 的另一邊等......點知等到我後面的客人攞走飲品都未見我嗰杯, 店員問我 "你等緊乜嘢?"....心想, 嘩, 咁唔客氣嘅?!
我話等緊 tall americano, 店員就指住個瓦杯, "呢杯咪係囉! ", 於是我咪話 "攞走架喎!", 店員才把瓦杯咖啡倒入紙杯.
我見佢地唔好似starbucks 咁有cream 或milk 可以自己加, 於是我請店員 "唔該可唔可以加 D 鮮奶入咖啡?" , 點知, 個店員話 "你嗰杯係黑咖啡, 無奶架喎!" 咖啡沖出黎當然係黑架啦! 奶當然係後加架啦!! 店員隨即說, "另外一種MISTO就有奶!".......我叫 Americano 喎.......我估佢嘅意思係加熱FOAM MILK係另外一個價錢.....但其實我只係想佢加D凍鮮奶, 好似starbucks 咁遮!!
此時另外一個店員, 即係頭先落order 嗰位, 就立即講, "我可以加少少凍奶比你嘅!".....聽到佢呢句, 真係火起! 真係多謝佢嘅慷慨施捨!! 我不是乞兒啊!
其實, 佢地大可以用一些好D嘅語氣, 例如, "唔好意思, 加熱FOAM MILK係需要另外收費, 我加D凍奶比你好嗎?"
最終都係加凍奶, 但肯定聽落去順耳得多!
$30 一杯咖啡, 換來如此服務, 一點也不值得! 簡直係 ruin my day!
張貼