榮式燒雞扒

營業中

休息中

話說某一日做完野經過灣仔，諗住好耐都無幫襯過榮式雞扒，當時係午餐後又未到下午茶時間，一入到去真係無乜人，眼見6-7張枱係無人坐，諗住坐去一張4人枱，如果有人搭枱先算啦。點知有個四眼阿姐，應該係老闆娘，叫我坐去一張有4個人既6人枱，我無所謂，不過呢度啲位真係勁窄，好似坐左出走廊一樣，算......照叫食物。點知過左一陣果4個人離開，我又要調位，又係呢個四眼阿姐，態度真係好差，調左去一張坐左1個人既4人枱，我心諗.....我一個人就要坐去多人既枱，熟客就唔洗？我忍......食個雞藕天成，好似被監視一樣，食完即刻收我個碟，我知你好好生意唔休做，不過你咁對人，我唯有Black List你。