行咗陣就梗係要去食嘢啦，我亦都知道荃灣星期幾都咁多人出去食嘢，咁就嗱嗱聲上去拎定位先。咁就揀咗間放題嚟食，因為之前都食過呢間，咁當然揀番啲有信心保證嘅品牌啦。
而家佢都轉咗用網上版去嗌嘢食，咁方便好多！！又環保，唔洗晒左d紙，同冇乜漏單咁，等咗無耐啲嘢食都好快就上咗枱了，有一盤刺身、幾件壽司、一啲燒物咁，仲有幾樣炸物！！都真係嚟得幾快手！好推薦嗰個避風塘炸墨魚，好好味！又香口，好食過薯條。同埋d刺生都不錯，特別是大赤蝦，大大隻，又鮮甜，我好鍾意食～
咁餐廳出面仲有啲係可以出去拎番嚟食嘅嘢，有甜有鹹！由其係之前冇食過的無骨雞翼粒！入面有粒菠蘿，成粒咁食甜甜酸酸咸咸地咁，加上外皮烤到有點脆，正a~仲有好多樣唔同嘢飲添！真係大滿足呀！個肚好大收鑊就番屋企。
