Sevva (已結業)

四年前跟志同道合的友人試左瑪麗皇后蛋糕，剛剛的周六我們再相約要試埋路易國王蛋糕，咁就粉紅色和藍色都試曬！當日1:45pm去到取票，3:00pm再入座，這是他們的安排，不設訂位。3:00pm坐低，因有雨而要求室內座，被安排梳化位置。Order左之後，我地走出去影相，侍應們也十分ready兼任埋攝影師，不斷替要求的客人揸機影相，態度誠懇樂意，令人感覺舒服。我地食完小食，因路易國王蛋糕要製作25分鐘，故我地趁仲有空檔就再出去影下相。侍應見狀亦友善地主動表示個蛋糕就黎得架喇！很照顧客人。我地在出面影左再10分鐘左右，另一侍應走過來告知我地個蛋糕已送到枱上了，我地也雀躍地走返入去品嚐。侍應也表示待影完個蛋糕之後，便會替我地切蛋糕。而他亦十分友善地幫我地拍照，仲建議另一方向影會更好，心思周到！老實說，雖然貴左d, 但蛋糕cream真係幼滑好味到不得了，係好食嘅！此行我和友人都很開心，亦喜見服務態度已比從前openrice 所反映的有明顯改善！值得讚👍🏼！