OCEAN THREE (已結業)

從一位識食的朋友知道觀塘有間ocean three, 朋友每次都係叫速遞, 話買生蠔平. 上次特登上去參觀, 結果有位女SALES串爆, 佢問我攞名電話開單, 我話我而家買走, 點解要留資料, 有咩用途, 佢話唔俾唔賣... 今次經過想食海膽, 諗住再上去俾多次機會... 上到去, 有三個SALES浮游緊, 當時已經3點幾, 仲好似發緊夢咁. 我同其中一位SALES A講想要海膽, 佢冇理我, 跟住又同另一位SALES B傾計, SALES B攞住個柸面响度話"食吓又做吓，食個成個鐘都未食完個面...“當時只有我一個客，SALES B係有感而發，定想同邊個講，我真係搞唔清楚...更唔想俾人話對號入座佢地對話完咗,SALES A繼續唔睬我，我只好再同SALES B講我想要一板海膽.SALES B仿佛醒來，就冇應我但叫SALES A攞海膽俾我。SALES A就問另外SALES C海膽可唔可以賣.終於SALES C伸手去把海膽攞出放進一個裝Parma Ham的扁身袋再遞俾我. 但這個袋會令海膽垂直了，在膠盒的海膽要跌出嚟，我問佢有冇第二個袋，佢話“冇“,走咗=_=||呢間咩舖？呢班咩人嚟？