喜來稀肉 (已結業)

今日細妹接我放工，話同我一起去食韓燒，我話不如試下喜來稀肉啦，好似好出名架wo，我地7點幾黎到，好彩無冇人，唔洗等位就入左去呢個係二人餐$488 ，有五種牛肉同兩杯野飲。呢個餐非常抵食，可以試晒咁多種既牛，岩晒眼闊肚窄既我地haha(左起)牛肋骨肉、牛五花、頂級牛頸、喜來烤肉及烤調味牛排骨，個人覺得最好味係牛五花、頂級牛頸同喜來烤肉雪花牛肉，店員放上枱(第一幅圗)，我地好疑惑，點解同餐牌上既圖片差咁遠，冇乜雪花咁，之後問可唔可以換過碟，店員毫不猶疑就換左比我了第2碟非常之靚，好多雪花，脂肪分內均勻，非常重牛味，好食！