大渣哥茶記 (已結業)

門口嘅接待哥哥好有禮貌，有英文餐牌，比個讚佢哋！睇完大概知有咩啱食先入座，入座之後先睇到座位有中文餐牌男主角唔食豬，嗌嗰時英文個餐牌冇寫到係豬，同侍應反映返個事件之後問佢可唔可以轉另一款食物，通常都係可以，但一定會唔好面口好surprised佢哋好好咁搵另一位侍應過嚟，用英文嚟確認男主角係唔食豬，然後主動提議可以問下廚房可唔可以走豬，又主動比個英文餐牌比我哋睇下有咩其他嘢想改一般嚟講，其他餐廳嘅侍應係會同我交待返點解處理，但呢間係會直接同返男主角講，呢樣嘢令我覺得非常之重要，服務態度非常之好，雖然男主角覺得冇乜嘢，但就係因為呢個原因我先寫第一篇嘅食評嗌咗個韮菜蝦仁炒蛋飯，同埋個闊佬炒飯講咗炒蛋先，份量十分足夠，感覺上多過平時街食到嘅，個蛋炒得夠靚，個色唔會好淡，係個蝦仁爭少少，其他配料都非常ok闊佬炒飯原來係濕炒飯嚟嘅，好味，男主角非常喜歡埋單嘅時候，收銀哥哥都好好禮貌，講晒have a nice day，用餐經驗非常愉快，會再嚟食！