禮 (天光道) (已結業)

訂咗位午餐，同事攞位時已經講咗有訂位，揀好食物幫我點埋餐，我去到坐定定等食。坐坐吓侍應嚟確認我哋個訂位，唔係應該入座時 mark 好晒咩？等食物其間同事突然聞到煙味，唔知喺邊度漂出嚟呢？先上同事嘅天婦羅餐，天婦羅都算新鮮，同事食咗三分二先上一個鰻魚餐，跟住另一個鰻魚餐比咗另一檯遲過我哋入座同落單嘅，即時問侍應，佢哋你眼望我眼，又望望比錯餐嗰檯，跟住就猛話唔好意思，即刻整比我。 。 。跟住竟然話送住雪糕比我食住先 😱😱 真係眼都突埋，未食正餐食雪糕？ 陰公難委我未出公司門口已經話肚餓 😭😭😭😭😭 到我個餐上檯時已經 13:35，真係無乜心機去睇吓咩味，狠吞虎嚥後就返公司啦。 。 。雖然佢哋送咗枝豆，同事食完個天婦羅餐等我哋個餐時叫杯咖啡佢哋都送埋，但同一檯客上餐時間差咁遠一啲都唔專業！其實食物份量可以減少啲而個餐就平返啲，或者提高食物質數同服務態度，如果梗要堆砌多食物已收咁嘅價錢，我哋都覺得唔值！