影片
更多
2021-10-01
405 瀏覽
10月1號去飲茶，都諗住一定會好多人，所以朝頭早一早就打去book位。Confirm完時間同人數，問接電話嘅姐姐有冇BB櫈，佢態度已經唔係話太好，同我講「你嚟到有就有，冇就冇」。Ok⋯去到酒樓，攞位坐低，被安排在收銀處旁的小房間。明顯之前嗰檯啱啱走，枱面啱啱先鋪咗張新枱布，地下仲有一堆垃圾。咁呢個時候，一位黑面姨姨入嚟擺低碗碟筷子，咁我就同佢講地下有好多垃圾，佢話轉頭會有掃地姨姨嚟清。咁我就順便同佢講，麻煩佢攞張BB櫈，佢就好晦氣咁話「唉，我啱啱先攞走咗」大佬呀，我點知你之前嗰檯有啲咩人，又唔係我叫你攞走嘅 佢好瀟灑地將啲碗碟筷子就咁‘pet’咗喺枱面就走咗。等咗一陣，仲未有人嚟清，咁我再提一提黑面姨姨。過多10分鐘，仲係未有人嚟，我就出咗去收銀枱嗰度同嗰位姐姐講麻煩佢叫人入嚟清一清。跟住，當然係冇人嚟啦。我再出去搵經理，麻煩佢入嚟清一清啲垃圾，順便將我將點心紙交俾佢。我唔知呢個經理係唔係啞嘅，但係佢全程係冇望過我，兼且冇回應。我嬲咗，大聲同佢講麻煩你即刻入嚟清一清垃圾，佢先好似突然回過神來，發覺原來佢應該係返緊工嘅。跟住好快，終於有一位清潔姨姨入嚟掃走啲垃圾。要讚一讚呢位掃地姨姨，佢
去到酒樓，攞位坐低，被安排在收銀處旁的小房間。明顯之前嗰檯啱啱走，枱面啱啱先鋪咗張新枱布，地下仲有一堆垃圾。
咁呢個時候，一位黑面姨姨入嚟擺低碗碟筷子，咁我就同佢講地下有好多垃圾，佢話轉頭會有掃地姨姨嚟清。咁我就順便同佢講，麻煩佢攞張BB櫈，佢就好晦氣咁話「唉，我啱啱先攞走咗」
大佬呀，我點知你之前嗰檯有啲咩人，又唔係我叫你攞走嘅
佢好瀟灑地將啲碗碟筷子就咁‘pet’咗喺枱面就走咗。
等咗一陣，仲未有人嚟清，咁我再提一提黑面姨姨。過多10分鐘，仲係未有人嚟，我就出咗去收銀枱嗰度同嗰位姐姐講麻煩佢叫人入嚟清一清。跟住，當然係冇人嚟啦。我再出去搵經理，麻煩佢入嚟清一清啲垃圾，順便將我將點心紙交俾佢。
我唔知呢個經理係唔係啞嘅，但係佢全程係冇望過我，兼且冇回應。我嬲咗，大聲同佢講麻煩你即刻入嚟清一清垃圾，佢先好似突然回過神來，發覺原來佢應該係返緊工嘅。
跟住好快，終於有一位清潔姨姨入嚟掃走啲垃圾。要讚一讚呢位掃地姨姨，佢嘅態度係非常之好，應該係全間酒樓最有禮貌嘅一位
總括來講，全間酒樓99%員工嘅態度係非常惡劣。食物質素未至於話好正，但係憑良心講亦都唔難食，OK啦。
冇辦法啦，康城獨市，就算你啲態度再差啲，都一樣有人排隊食嘅。
張貼
