爺爺雞煲皇 (已結業)

今日7點45分到爺爺雞煲王...門口派位，著住黑衫阿姐.. 應該係經理.. 我同佢講 四位.. 阿姐就話.. 留低電話有位就打比我.. 之後我落一落便利店 就上返去等..一路都有人上黎 不過人地有訂枱..我明白！但個阿姐不停係咁問我地幾位 問完又問..後來有四個女仔上左黎.. 我地四個同另外一對夫婦都聽到佢地話冇訂枱.. 但係竟然比佢地入先..我地問佢 點解佢話冇訂枱都可以入先..佢就堅持話人地有訂枱.. 但幾個人都聽到佢係冇訂.. 阿姐態度開始好差 同我理論..最後佢揮揮手 叫我走 話我可以唔食！服務好差.. 以後都唔會再去！