板長壽司 (東角Laforet) (已結業)

我經常到板長其他分店用膳，今次係第一次幫襯呢間分店，真係以後唔會再黎！首先，我同一位朋友夜晚六點半左右到達，餐廳並非滿座之餘，仲有好多吉枱。佢安排我坐壽司巴，因為我唔鐘意坐呢啲高位，所以要求換位。侍應第一句同我講：唔坐呢到要等喎。我心諗：咁多吉位都要等。然後我話：好呀，咁我等丫！一秒之後，佢已經安排到我坐其他枱。呢樣都算啦。坐低落完order， 一開wasabi， 啲wasabi係濕嘅，好似倒咗啲水入去咁樣。我叫侍應(帶位果個)換另一盒俾我，佢竟然同我講：呢隻係咁架喎！然後走咗去！我真係大開眼界！我地隔離枱見到我地咁樣，借咗佢地果盒俾我地。好明顯係唔濕嘅，好大分別！跟住壽司黎啦！食第一件，啲飯係熱嘅，第二件，第三件都係咁樣！同經理反映壽司飯好熱，我地只係反映，並唔係想投訴或者要佢換過俾我地，經理竟然用好差嘅態度回應話：哦！啲飯太熱？然後走咗去！一句唔好意思都無！呢次用膳真係另我大開眼界！我唔係第一次食壽司！但係咁樣嘅服務，咁樣嘅壽司真係第一次！