老馮茶居 (海寶花園)

營業中

休息中

平日早上11點時間幫襯，未算最繁忙時間，但上菜速度勁慢，成場等半個鐘都出唔到兩籠野，全部做晒外賣單，每台食客齋坐等食，但餐廳寫話入坐起計一小時要離坐，即係坐低飲杯茶就夠鐘走人。最後等左半個鐘先有得食，食左半個鐘走人。到埋單腦細態度勁差，仲話唔好阻住晒，唔明佢意思係俾錢俾得耐，連錢都唔想收定係食得耐？腦細有時間落場幫下手執台落下單，可能會效率快d，就唔使d 食客"阻住晒"，或者轉型淨係做外賣快餐，咁就夠晒快啦。坦白講句野食ok，坐既環境麻麻，同埋服務態度差，接受得到可以去幫襯下。