影片
更多
2009-09-21
37 瀏覽
谷氣到唔寫唔得!!!見呢到近近地又有位泊車阿媽又想食泰菜咁就黎~但十分失望….由於怕多人又冇訂位,所以6點到去到,果然係冇乜人,見天氣太熱,梗係坐室內啦!但入到去都係唔涼既?!同坐外邊冇分別,只係唔會俾蚊咬!而且如果係保持25度,都避免太熱掛。待應帶位到一張4人枱,但只係放左2份餐具,我地坐左成10分鐘,佢都未有意欲幫我地擺位,只係識攞4杯水,放低就走人,當時又唔係好多枱客,佢地又冇野忙喎,真係忍冇可忍,我就向位部長示意仲欠兩份餐具,個部長就點左其中一個待應做,~但都係佢慢慢黎做囉!睇好餸菜就叫人黎寫啦~最搞笑係佢唔係企係隔離聽你講,而係企到老遠,好似你有傳染病咁,當時環璄又嘈吵,點菜好似同人嗌交咁!!!要講到好大聲!肉骨茶 似係一鍋冬菇排骨湯,有藥材味可言,冬菇多過乜, 排骨得個幾舊,湯既表面好多肥膏,而且係超咸,所附送既油炸鬼得3舊仔,超迷你又漏氣,浸落湯好耐都咬唔開!蝦餅 過得去啦,但個醬就甜都漏,頂唔順~要佢攞過傳統既甜辣醬食先覺好味d~半打沙嗲(牛豬雞各兩串) 一黎到就見到,唔係燒係炸既,好失望~牛豬好鞋又乾,雞係好味少少,但好係好乾,沙嗲醬都麻麻.....香辣咖喱羊 個咖
由於怕多人又冇訂位,所以6點到去到,果然係冇乜人,見天氣太熱,梗係坐室內啦!
但入到去都係唔涼既?!同坐外邊冇分別,只係唔會俾蚊咬!而且如果係保持25度,都避免太熱掛。
待應帶位到一張4人枱,但只係放左2份餐具,我地坐左成10分鐘,佢都未有意欲幫我地擺位,只係識攞4杯水,放低就走人,當時又唔係好多枱客,佢地又冇野忙喎,
真係忍冇可忍,我就向位部長示意仲欠兩份餐具,個部長就點左其中一個待應做,~但都係佢慢慢黎做囉!睇好餸菜就叫人黎寫啦~最搞笑係佢唔係企係隔離聽你講,而係企到老遠,好似你有傳染病咁,當時環璄又嘈吵,點菜好似同人嗌交咁!!!要講到好大聲!
肉骨茶 似係一鍋冬菇排骨湯,有藥材味可言,冬菇多過乜, 排骨得個幾舊,湯既表面好多肥膏,而且係超咸,所附送既油炸鬼得3舊仔,超迷你又漏氣,浸落湯好耐都咬唔開!
蝦餅 過得去啦,但個醬就甜都漏,頂唔順~要佢攞過傳統既甜辣醬食先覺好味d~
半打沙嗲(牛豬雞各兩串) 一黎到就見到,唔係燒係炸既,好失望~牛豬好鞋又乾,雞係好味少少,但好係好乾,沙嗲醬都麻麻.....
香辣咖喱羊 個咖喱膽都做得幾好,但只係微微辣,唔係好夠辣,辣d會好味d.,羊肉都只係幾舊有羊味,其餘都好瘦肉咁!配菜都冇,真係得咖喱同羊咁大擺!
蒜蓉烤包 普通,蒜蓉味唔太突出,只為點咖喱而叫的!
椰菜苗炒香菇 最離譜的一道菜,一上枱見到只係得半碟,椰菜苗係咪真係咁珍貴呀?香菇都係得3,4舊,仲要係切開左一半既!成四十幾蚊得半碟?!算照食!以為真係咁少啦~點知食食下下見到隔離枱都係一樣有叫呢個菜,一望之下仲谷氣,原來係個廚分得唔好,人地個碟成座山咁!(再講先知大家係一齊上菜架!!!!仲嬲~~~~)
越式雞絲湯河 份量都幾大,但雞皮多過雞絲!!湯底又係甜過頭!
食完哂想埋單,就問有冇甜品送??點個侍應語氣十分差,”平日先有,今日冇喎~”
都算~明明黎呢到食之前,上過openrice睇有冇咩優惠,見如果用dbs食滿$250就會送一客芒果黑糯米,再問另一個,佢就指住收銀隔離個個牌話”你係咪用東亞呀? 東亞就有,其他就冇喎~”佢講完又係即閃左人!
好~既然佢地話冇咁就算!!!攞左張其他銀行既卡埋單,但阿媽見我咁堅持係有得送,就再問多一次收左我地張卡既待應用其他卡有冇優惠?佢就答” 其他優惠?咪東亞囉~”再問多之下佢先講”dbs卡都送囉~”我地就即刻轉用dbs,但個待應即刻黑面同”苗”哂咀咁!!!!
咁次既經歷真係不得不引用劉華個句”今時今日咁既服務態度點得架!”
但我都引用阿媽個句”得架!但一定絕對唔會有下次囉~”
總結:食物並非好食而且份量不平均,員工黑口黑面,服務態度極差!!!對公司優惠不了解(其實餐廳係唔想送既,就唔好俾呢d優惠銀行啦~)
張貼