Layback Cafe & Bar (已結業)

本身見到openrice有咁多個讚，諗住同啲朋友四條友試下。點知入到去等左成個鐘都無嘢黎，吹一吹又話煮緊。已經餓嫁啦！仲要慢到一個點。明明有兩個朋友叫一樣嘅嘢，但係黎左一個仲要等十幾分鐘先有另一個。有個朋友路過附近想上黎吹水，之後坐坐下話要人頭計算，點都要叫啲嘢。喂！我朋友食飽飯路過想吹下水。點知搞到我朋友好為難咁起身走人。搞到成餐飯好掃興，真係火上加火。啲態度又差好似趕客咁。最後拿拿林食完即走，真心無下次。