上海弄堂菜肉餛飩 (歌賦街) (已搬遷) 新店位置

一直都好鐘意食上海野，收工落住雨都忍唔住搵間上海野黎醫肚。講就話係中環店，其實比較近上環地鐵站。開頭聽個名好似好奇怪甘，原來個意思係上海家庭小菜既地方。兩丁友研究左一陣，雖然佢有個二人套餐，但我地為食想食多幾款野，覺得叫一人午餐再散叫其他野會更加抵。我地揀左 春卷+牛腱 +菜飯餛飩+上海粗炒跟住仲叫左豆沙窩餅做甜品春卷好脆，即刻炸起，春卷皮唔厚，好好食👍🏻👍🏻菜肉餛飩好大粒，入面勁足料、厚肉。自製滷牛腱係冷盤黎既，仲有少少辣。對食得辣既我黎講簡直係小兒科，不過牛腱好入味👍🏻👍🏻👍🏻👍🏻好送飯。食親上海野，無理由唔叫粗炒食下🤷🏻‍♀️🤷🏻‍♀️🤷🏻‍♀️熱辣辣炒起送上黎，加埋佢個豆瓣醬係絕配，必加豆瓣醬🙌🏻🙌🏻🙌🏻食到最後，真心講句其實都飽嫁啦🤣🤣🤣但一見到個豆沙窩餅又有返胃口。同埋侍應好好幫我地換埋碟同叉食甜品。熱辣辣食真係超級好味，唔會好甜，忍唔住食左好多件。今餐食得好滿足同好飽，特別一提入面既侍應叔叔個個服務態度都超級好👍🏻👍🏻👍🏻簡直要俾十個like。