影片
更多
2009-05-31
36 瀏覽
我地之前85折買左$1000 coupon, 一直都無乜去幫襯過, 仲有1年半就夠期, 所以今日星期日同老公一齊去食lunch. 埋單每人$57一去到門口, 負責登記個女人好無禮貌大大聲咁話要撘枱, 我地話唔想撘, 咁佢就大大聲話要等耐d, 我地寧願等. 好好彩, 結果等左5分鐘就可以入去了. 一入到去, 個waiter係度執緊枱, 執完枱張枱仲好唔乾浄, 枱面仲有d飯, 個waiter見我地坐埋去, 都無幫我地用布抺枱, 只係用手將d飯撥落地下, 張枱仲有攤油. 隔左一陣, 我地忍唔住叫佢幫手抺下張枱, 佢一聲不响 "係咁易" 抺2-3下, 而且都唔係全張枱抺添, 求其抺下前面, 個樣仲好唔 "老泥" 咁, 我地覺得佢態度都幾差下. 我記得中環中心果間太興d服務好好架, d人好有禮貌, 地方仲要好乾淨架 <~~~ 不過唔知依家仲係唔係咁, 因為我己經4-5年前去過.1. 我叫左個咖哩牛腩飯+熱奶茶$45, 咖哩汁好香, 落左好多好多棷漿, 會好多卡路里, d肉炆得都算淋, d牛腩部位係坑腩同牛根, 仲有少量既薯仔, 味道野味得黎唔會好辣, 岩晒唔食得辣既我. 至於, 太興
一去到門口, 負責登記個女人好無禮貌大大聲咁話要撘枱, 我地話唔想撘, 咁佢就大大聲話要等耐d, 我地寧願等. 好好彩, 結果等左5分鐘就可以入去了.
一入到去, 個waiter係度執緊枱, 執完枱張枱仲好唔乾浄, 枱面仲有d飯, 個waiter見我地坐埋去, 都無幫我地用布抺枱, 只係用手將d飯撥落地下, 張枱仲有攤油. 隔左一陣, 我地忍唔住叫佢幫手抺下張枱, 佢一聲不响 "係咁易" 抺2-3下, 而且都唔係全張枱抺添, 求其抺下前面, 個樣仲好唔 "老泥" 咁, 我地覺得佢態度都幾差下. 我記得中環中心果間太興d服務好好架, d人好有禮貌, 地方仲要好乾淨架 <~~~ 不過唔知依家仲係唔係咁, 因為我己經4-5年前去過.
1. 我叫左個咖哩牛腩飯+熱奶茶$45, 咖哩汁好香, 落左好多好多棷漿, 會好多卡路里, d肉炆得都算淋, d牛腩部位係坑腩同牛根, 仲有少量既薯仔, 味道野味得黎唔會好辣, 岩晒唔食得辣既我. 至於, 太興熱奶茶不嬲都好味, 落左好多花奶, 多到可以唔洗落糖都入得口添.
2. 老公就叫左個蜜桃叉燒焗飯+熱奶茶$43, 蜜桃汁香香甜甜, 好醒胃, 但係叉燒瘦猛猛, 一d肥肉都無, 所以唔好食, 不過勝在叉燒汁唔錯補番數, 老公話全碟d汁好味, 叉燒部份唔夠靚喎.
3. 因為我地想盡快用晒d $50 coupon, 所以叫多個茶餐, 雞肉串+Q版西多士+熱奶茶$26, 雞肉串有2串, 燒得唔錯, 香口得黎唔會成口油. 個Q版西多士係用半塊厚多士做成的, 同一般的西多士好唔同, 太興的西多士炸到側邊係濃, 所以側邊係脆口的, 另外加少量牛油同糖漿, 成塊西多士唔會比牛油同糖漿浸到淋晒, 雖然少牛油少糖漿, 不過味道仲好啵, 而且仲健康d.
我地食食下, 見到隔離張卡位有人埋單走人, 咁前一張枱既情侶好有禮貌咁問個阿嬸waitress可唔可以轉去果張枱度 (因為佢地係同另1對情侣撘枱坐一張4人卡位), 點知個阿嬸waitress好無禮貌咁話: "唔知啵, 你同出面登記個人講啦", 跟住就無理對情侶走開左....
哩間鋪d人服務態度直係好差好差!!! 就算你去食$2x茶餐既茶餐廳, 人地d服務都唔會差成咁. 當所有客好似係仇人咁. 其實太興d野食係唔錯既, 不過如果tea食碟頭飯都要$4x, 我寧願去銅鑼灣既翠華或澳門茶餐廳, 起馬人地乾浄好多, 唔會連枱都唔抺. 就算翠華一樣係要撘枱, 但起馬員工好好禮貌丫, 而且翠華d員工好醒目, 你睇緊餐牌, 一抬起頭d員工己經知你想叫野食, 好多時都會主動問你食乜, 太興d員工好似唔想做咁, 你舉手叫野食果時, 佢地都好似扮睇唔到, 仲要出埋聲叫佢地過黎寫單, 好似要捉人黎咁. 或者可能係太興員工數目跟本唔夠多, 因為你見佢地個個係餐廳度, 打衝風咁衝黎衝去, 眼見個個客出入遇到員工時, 都會自動自覺讓路比員工, 硬係啦, 驚比佢地撞到丫馬. 我同老公決定唔會再幫襯銅鑼灣既太興, d coupon留番新年訂盆菜一次用晒佢算lu.
張貼
