金御海鮮酒家 (已結業)

一行四人決定冬至去飲茶，兩星期前已經訂好位，諗住可以好好慶祝，點知去到未有位不特止，連等候的地方也欠奉，場面一片混亂，終於十五分鐘後叫到我地個號碼，帶位侍應竟然帶我地去一張岩岩落單既枱然後就走左去！再問第二個侍應，又再指我地去第二張枱，個張又係岩岩落單？！終於走返去知客處問，有個經理樣的物體指左我地去收銀處旁邊一張二人枱！（真的是旁邊！得半張枱個隻！）於是再向經理投訴，千辛萬苦下終於安排到一張四人枱俾我地，中間少不免向經理抱怨幾句，點知個位姓葉的經理竟然冷冷地答了一句：＂小姐，我都幫你執緊枱啦，你唔好咁勞氣好唔好？＂嘩！真係打左一個突，一句對唔住都無，仲要俾Ｄ咁既說話顧客聽，真係不得之了！杯碟污漕不在話下，最恐怖係倒茶落個杯時，竟然有油浮上黎。。。四份杯碟每個人都最少有一樣野要換，還好換杯碟個位姐姐態度都唔錯。其實呢間野Ｄ食物唔係太差，但係就唔係好囉，四個人飲餐茶要六百幾蚊，如果服務好少少，係中環區都可以叫接受，但係食品不太好，服務差劣的情況下，就真係要諗諗好唔好幫襯，我就本人就決定無下次囉。