Ghetto Cafe

營業中

休息中

Weekend咁岩行街經過，諗起之前有朋友話呢間啲burger幾好食，就入去幫襯下。不過呢次用餐經歷簡直令人失望。咁我叫左個大啡菇漢堡包跟餐，諗住試下啲薯條，點知送餐時發現比左甜薯條（即蕃薯條）。咁我即刻舉手示意侍應過嚟，佢隔左5分鐘先過到嚟，同佢講係叫左薯條而唔係甜薯條，佢只係冷淡咁講薯條無貨，之後就急急腳行返入廚房。但係睇返餐牌，佢冇話到薯條暫不供應，而其他無供應既餐都有係餐牌標示。而剛才落單時侍應並無講到無曬薯條，就擅自幫客人轉甜薯條。最後埋單比錢時，發現要比多$10。。。原來個甜薯條唔係免費upgrade，係要照樣加錢，但係落單時個侍應完全無提過。。。今次既用餐經驗可以用兩個字嚟形容：0尊！食品暫不供應冇同顧客講，就擅自幫人轉另一款食品，之後要額外加錢又無同顧客講，基本上對於顧客嚟講毫無尊重可言！而且店員態度一般，餐廳有需要檢討一下店員既服務態度同埋對客人既尊重。