KABOOM

星期五夜晚同女朋友去食，一去到見到個環境同氣氛都幾開心，因為坐戶外，都幾有feel，跟住就開始叫野食，野食都快送到，女朋友叫左一個飯，我叫左牛扒，但牛扒就唔算熱，只係暖暖地，而且偏乾！整體野食都係正常既，我地食完，因為冇叫野飲，侍應專登再黎問多一次，要唔要飲品或其他野食，我地話唔洗，跟住侍應就即刻比帳我地，食左大約$660，感覺到被人催我地走，由入座到埋單走人大約60分鐘，因為用餐時間係有120分鐘，所以有啲無奈，所以覺得員工既服務態度一般，食飽就趕人走既感覺！我地食飽就走啦，因為被趕既感覺太差！ 另外睇到有女侍應疑似放左兩位男位朋友入去飲杯野，因為見到女侍應狂同佢地傾計，本身冇為意，後尾2男本身一齊坐，後尾有客入黎，變左一人坐，一人企，加上2男冇叫野食，好快就走左，所以覺得女侍應做法似乎唔太恰當。