大快活 (已結業)

一間普普通通嘅快餐店「大快活」竟然都驚喜嘅地方：係服務。南瓜汁雞胸紅米飯 配飲品（$47）每次嚟親都叫嘅😁雞胸一D都唔嚡唔乾，肉幾嫩，又大舊。唔知個南瓜汁係唔係一罐罐果D，所以叫咗佢汁另上，我個人覺得比較甜。整體嚟講，係一個健康之選👍🏻淮山野菜雞柳飯（$47）真係冇咁鹹，但係又唔係冇味。加咗D七味粉嚟炒？有D辣味幾好，個人嫌有D油膩😬吉列脆爆牛飯（$47）比想像中好，皮好薄，炸得幾脆。但係食真D係食到好少鬆肉粉，都預咗嘅。揀咗日式咖喱汁，食食下都有D辣。整體都OK但係個人唔係太鍾意吉列牛😅細路唔小心倒瀉咗杯阿華田，我地叫阿姐嚟幫手清潔果陣，佢竟然好聲好氣咁問使唔使換返一杯俾我地，我話唔使，佢堅持要俾我地一杯。冇諗過服務態度咁好😮👍🏻總括，食物質素唔錯，服務真係幾好，夜晚仲有送餐服務。價錢合理，會繼續支持😋