更多
2021-09-27
1440 瀏覽
生日一年一次，朋友就安排左W Hotel staycation，咁晚餐就book左呢度，諗住睇住日落chill下，其實之前都嚟過，但係lunch time，仲要係11:30，當時環境好舒服，夜晚就真係第一次，首先夜晚係非常咁嘈！我地預先上sky 100官網訂左個生日套票，包2張sky100門票，一個蛋糕，2杯飲品，但就限時1小時，咁訂位時都問埋如果我地會叫嘢食可唔可以坐耐啲，當時係個男嘅聽電話，話“咁都可以俾你坐多半個鐘至一個鐘嘅！”咁好啦！去到餐廳，安排左window set俾我地，呢度係半自助形式，要自己出去叫野食，menu唔多選擇但ok嘅！落完order，收銀提醒我用餐時間一個鐘，咁我就同佢講返booking時嘅溝通，點知佢話“唔得嘅，限左一個鐘就一個鐘！”態度唔友善嘅，但我覺得無謂爭拗，所以都接受左！坐返埋枱，唔夠5分鐘，蛋糕出現😳我哋明明落咗order，但就甜品先來。。。。。。咁都禮貌地同但講番我哋想食咗熱食先，蛋糕可18:45上（我地book1 8:00）！我地叫左個pizza同闊條麵，食物質素係一般，pizza餅底係濕嘅，軟林林但配料味道好味如果餅底係脆嘅即焗嘅會好味好多
我地預先上sky 100官網訂左個生日套票，包2張sky100門票，一個蛋糕，2杯飲品，但就限時1小時，咁訂位時都問埋如果我地會叫嘢食可唔可以坐耐啲，當時係個男嘅聽電話，話“咁都可以俾你坐多半個鐘至一個鐘嘅！”
咁好啦！去到餐廳，安排左window set俾我地，呢度係半自助形式，要自己出去叫野食，menu唔多選擇但ok嘅！落完order，收銀提醒我用餐時間一個鐘，咁我就同佢講返booking時嘅溝通，點知佢話“唔得嘅，限左一個鐘就一個鐘！”態度唔友善嘅，但我覺得無謂爭拗，所以都接受左！
坐返埋枱，唔夠5分鐘，蛋糕出現😳我哋明明落咗order，但就甜品先來。。。。。。咁都禮貌地同但講番我哋想食咗熱食先，蛋糕可18:45上（我地book1 8:00）！
我地叫左個pizza同闊條麵，食物質素係一般，pizza餅底係濕嘅，軟林林但配料味道好味如果餅底係脆嘅即焗嘅會好味好多！闊條麵入面有蘑菇蕃茄之類，闊條麵份量少！
食完我地就諗，時間咁趕，不如問下可唔可以蛋糕takeaway，可以返酒店房慢慢影相開心吓！咁問咗收銀個女仔佢話都係幫你包好可以擁走，咁我哋就就決定擁走，再嗌多個窩夫食啦！
士多啤梨窩夫夠蛋味，但都係唔夠脆都係軟林林嘅窩夫，雪糕係用北海道牛乳雪糕配搭味得非常好！
準時19:00離開！
好喇，返到酒店，打開個蛋糕盒，但原來佢只係用個外賣盒將個蛋糕放入去，但size根本係唔啱嘅，好失望！
我哋攞返個蛋糕出嚟嘅時候要切走個核突邊先可以再影相！😢😢😢
總共我地4個人成餐飯係order左：生日套票（蛋糕+2杯茶包花茶），Pizza，闊條麵，兩杯軟雪糕，士多啤梨窩夫，兩杯飲品！共$820，其實食埋個view，原本價錢ok嘅，但service扣哂分！
張貼
