影片
更多
2015-10-01
555 瀏覽
早前買左幾枝紅酒，諗住搵間坐得舒服，Cockage又唔會太貴($125每枝)既餐廳試下酒將軍澳呢間分店一向較少人，早2日訂枱就訂到，其實都黎左好幾次，但今次不幸遇到呢個server就只可話唔好彩1. 冇禮貌佢地每晚都要分不同section去serve,咁啱嗰晚就係Cherie (唔肯定係咪咁串) serve我嗰枱，咁當然基本招呼都冇，冇主動問drink, take order, 只顧喺附近set枱，原來set枱重要過serve客。 咁就當星期六晚比較忙，我地唯有揮揮手，佢直行直過冇應我地，叫我地等等都冇，係要佢其他同事提醒佢，先至用不情願既語氣"你等等呀!" 當然我自己做過餐廳，絕對唔會係游水遇溺咁係咁揮手，或暫大叫唔該嗰種人。2. 食物偏鹹我以為而家西餐廳仲會有check back呢回事，即係食到咁上下問下食物ok唔ok, 其實之前黎其他server都有做，仲略嫌太早問，因為未試哂所有野，今次呢個cherie又冇問。冇計啦，我向來認為比意見對餐廳係件好事，嗰晚個promotion Lobster Tail 過鹹，鹹到連我重口味都搞唔掂，所以就反映下。一個可能比較高級，高瘦既staff
將軍澳呢間分店一向較少人，早2日訂枱就訂到，其實都黎左好幾次，但今次不幸遇到呢個server就只可話唔好彩
1. 冇禮貌
佢地每晚都要分不同section去serve,咁啱嗰晚就係Cherie (唔肯定係咪咁串) serve我嗰枱，咁當然基本招呼都冇，冇主動問drink, take order, 只顧喺附近set枱，原來set枱重要過serve客。 咁就當星期六晚比較忙，我地唯有揮揮手，佢直行直過冇應我地，叫我地等等都冇，係要佢其他同事提醒佢，先至用不情願既語氣"你等等呀!" 當然我自己做過餐廳，絕對唔會係游水遇溺咁係咁揮手，或暫大叫唔該嗰種人。
2. 食物偏鹹
我以為而家西餐廳仲會有check back呢回事，即係食到咁上下問下食物ok唔ok, 其實之前黎其他server都有做，仲略嫌太早問，因為未試哂所有野，今次呢個cherie又冇問。冇計啦，我向來認為比意見對餐廳係件好事，嗰晚個promotion Lobster Tail 過鹹，鹹到連我重口味都搞唔掂，所以就反映下。一個可能比較高級，高瘦既staff黎，話可能seasoning所以會鹹，講到牀正常囌，又話換番隻比我地。首先，我地唔係貪心，唔係想discount 或者食多啲，只係衷心比意見，點知對方既態度令我地好不快，所以最後都冇接受，叫佢注意改善就算。
3. 開紅酒訓練不足
我帶2枝紅酒去，每枝差不多$1000，其實真係想自己開番，但又想睇睇一間有名的西餐廳對咁基本既事，係咩質素。點知，呢位cherie小姐開斷"cock"😨 不過我地都好明白，埋枱開酒唔係成日發生，經驗較少，出現問題好正常，cherie肯細細聲講番句唔好意思，我地都覺得ok了。其實我想講既係，客人帶外來酒黎，如果有啲咩問題，餐廳其實係賠償唔到，因為背後實有佢既意義，唔會係用錢可以補償到，所以其實餐廳應該搵較有經驗既人去處理，如果唔係成枝酒都係"cock"碎，想補鑊都補唔到。
4. 埋單講多謝
其實呢個要求唔過份吧，放低張bill冇聲多謝，自問我地又唔係面目可憎既搞事份子，但我地仲有禮貌過個server,唔知以為我地得罪過佢，可能我地8點半入座，阻佢收工？可能做過餐廳關係，一般比tips都唔會太少，可能$20-50，雖然唔及外國人咁豪爽，但應該都唔係太差卦。但cherie既service真係太below standard, 我只可比找錢剩低既coins,其實我係想拎埋走，因為tips係for server's good service,而唔係用黎衡量食客既quality。
我會再去既，希望佢地既service可以有明顯進步，亦希望只係個別server的質素參差。
張貼