NINETYs (皇后大道東) (已結業)

都唔知係咪做馬，睇食評，見有食客寫佢哋既叉燒銷魂飯好好味，諗住今日下晝試吓，已經特登避開繁忙時間，明明見到餐廳裏面有位，正想入去嘅時候，店員阻止左我地，話餐廳已滿，要係外面等一陣。等左十分鐘，見有位都無店員叫我地，再入去又被阻止，真係有啲嬲！表達左不滿真係有效，店員交涉左一陣，就俾我地入去俾枱我地。可能我地已經被佢地標籤左係麻煩食客，店員由俾 menu 到水都無笑容，也沒招呼。由我地自已睇。但係對其他客人又滿臉笑容，又介紹又熱情，令我地好無癮，不過是但啦，反正都係叫叉燒飯！百幾蚊既叉燒飯，除左擺到好好睇，博影相外，我想話個個叉燒其實好肥，好恐怖，可能男士無所謂，但係脂肪比例佔一半，食咗兩塊已經頂唔順。佢嘅醬汁，基本上只係加左糖既鼓油，令到個汁又濃又甜，有幾銷魂？真係見人見致。食飯期間不單只無咩人招呼，連要杯水都要三吹四請，好無聊。從店員同其他人打成一片黎講，我覺得大部分都係自己友，打開部電腦飲水喎，唔通甘多老細咩！坐曬喺度扮客滿，製造成日要等位既假象，好討厭，食物又一般，算啦，反正唔會有第二次，只係提醒大家，以後見到位無需理會員工扮客滿，直接嘈佢地啦！