象屋泰國餐廳 (已結業)

迫我第一次寫食評，真的不吐不快！今日心情原本好好的，約了朋友在Moko 食lunch，本來食日本餐的，點知行過這間泰國餐廳覺得環境幾好又唔洗等位，咁就入咗去坐底。我們叫了一個海南雞飯和一個軟殼蟹撈檬和兩個椰青。個侍應服務態度好差，我們叫咗飯之後就叫餐飲，又想加個青瓜沙律，佢問你吔仲有冇嘢加，佢好唔耐煩咁，餐廳又不是太多人，唔知佢急咩，轉手就即刻收咗我吔個餐牌。食物好快就到，個海南雞飯完全無雞味，雞皮好厚，未食過咁難食的雞飯。之後個軟殼蟹仲離譜，唔知點解佢吔可以咁上碟，隻蟹份量係粉嘅十份一，D檬粉又好難食，完全不是嗰回事。我無影相，無諗過要寫食評，不過之後我3點就已經好肚餓，2點食完lunch，3點就肚餓，食咗等於無食咁！以後不會再幫襯！