影片
更多
2011-06-16
26 瀏覽
幾年前黎過呢間 café, 當時去四樓，要會員制畀錢買儲值卡。 因為嗰時覺得飲品麻麻，所以去過一次就冇再去。今日男朋友放工約左朋友上呢間 café五樓 飲嘢，我放工上到去已經差唔多七點。當時男友嘅朋友已經走左，佢地各飲左杯一杯飲品。上到去成間店得我男友一個，坐左喺最角落嘅卡位。我坐低好耐個女侍應都唔理我一個人喺吧枱，要我問佢拎餐牌，佢仲叫我等陣。其實成間店都只得我男友一個，佢真係好忙咁咩？咁我黎到咪打算食埋飯，同男友各叫左個晚餐。我$87 有沙律、飯\天使麵同埋一杯$36飲品。我地都係只叫$36嘅飲品，事後睇食評先知原來叫超過$36嘅飲品係要補返佢公司特別定義嘅「差價」，係嗰杯飲品嘅價錢減廿蚊。例如$39飲品，佢會收你$39-$20=$19，即係要補$19，都幾過份。我地兩個都係叫左咖喱飯，食緊嘅時候開始多人上黎，有只飲嘢嘅，都有食飯嘅。我杯咖啡黎左，但係冇畀糖，想叫個侍應，但係佢又匿埋左喺吧枱後面。最後男友自己出吧枱搵糖。食左幾啖飯，個女侍應走埋黎話：「我幫你搬枱」跟住隻手已經將我男友嘅碟拎起左啲，但我男友隻手仲拎住隻羹食緊飯！我話：「吓？」佢：「我幫你搬家過去嗰張枱」然後指一指近門
今日男朋友放工約左朋友上呢間 café五樓 飲嘢，我放工上到去已經差唔多七點。當時男友嘅朋友已經走左，佢地各飲左杯一杯飲品。
上到去成間店得我男友一個，坐左喺最角落嘅卡位。我坐低好耐個女侍應都唔理我一個人喺吧枱，要我問佢拎餐牌，佢仲叫我等陣。其實成間店都只得我男友一個，佢真係好忙咁咩？
咁我黎到咪打算食埋飯，同男友各叫左個晚餐。我$87 有沙律、飯\天使麵同埋一杯$36飲品。我地都係只叫$36嘅飲品，事後睇食評先知原來叫超過$36嘅飲品係要補返佢公司特別定義嘅「差價」，係嗰杯飲品嘅價錢減廿蚊。例如$39飲品，佢會收你$39-$20=$19，即係要補$19，都幾過份。
我地兩個都係叫左咖喱飯，食緊嘅時候開始多人上黎，有只飲嘢嘅，都有食飯嘅。
我杯咖啡黎左，但係冇畀糖，想叫個侍應，但係佢又匿埋左喺吧枱後面。最後男友自己出吧枱搵糖。
食左幾啖飯，個女侍應走埋黎話：「我幫你搬枱」跟住隻手已經將我男友嘅碟拎起左啲，但我男友隻手仲拎住隻羹食緊飯！
我話：「吓？」
佢：「我幫你搬家過去嗰張枱」然後指一指近門口一張二人枱。
我問：「要我搬枱呀？」
佢話：「你兩個人丫嘛 ，嗰張咪二人枱，有四個人上鏗糸黎，我幫你調枱。」
其實我地兩個畀佢失驚無神嘅行為了嚇一嚇。當時我隔離仲有一張四個人嘅空枱，嗰張枱後面都仲有一張四人枱。我男友仲諗住行過方便想起身，但係我覺得唔 make sense, 如果你滿晒人，叫我調位好正常，但係當時仲有兩張四人枱喎，而且我食到一半。
我咪同佢講：「吓，我食到一半喎」
佢話：「咁你食多陣先，不過個客啱啱打上黎，話佢15分鐘後到啫」
嘩，咩事呀？咩叫食多陣先？乜我唔係客咩？仲好似迫我15分鐘好走咁。我男友喺度係有成兩個鐘，但佢係飲完一杯嘢再叫多個晚餐架喎！
我再望下後面卡位，人地兩位都係飲兩杯嘢，調位都方便過我地成枱杯杯碟碟丫，佢叫我地搬去嗰張枱都放唔落咁多嘢。
五分鐘後有兩個人黎左， 坐左喺嗰張二人枱，個侍應冇阻止佢地。隔一陣佢地再搬去我隔離張四人枱，侍應都冇阻止。咁即係冇迫切性留張枱畀佢打電話留位個客啦。
嗰時我都同男友講左，我食到一半係唔會搬架，佢而家又唔係冇枱，頭先佢個態度又咁差，問都冇問我地，隻手就伸埋黎拎碟話幫我搬枱。嗰時我食飯嘅心情已經畀佢影響左，仲要畀佢望住晒等我地快啲走咁。
乜 café 唔係畀人飲嘢傾計架咩？佢趕客咁仲衰過茶餐廳。我嬲到要即時喺café 上網登記 openrice 寫我嘅第一篇食評。
到我地佢所講嗰四個人都冇上過黎。我以後都唔會再去！
張貼