小肥羊 (已搬遷) 新店位置

小肥羊响香港瘋魔過好幾年，我以前都係佢鐡粉，lunch buffet、散叫抑或dinner buffet，我都有試過，甚至大陸小肥羊，我都有張vip咭，不過時代變遷，小肥羊慢慢沒落，由香港七、八間，到現在只剩荃灣呢間，要繼續屹立不倒，除咗食物水準之外，服務都好重要！响Openrice買咗優惠卷，$138＂至尊任食套餐＂另加 $40服務費，套餐入面有10款食物要經店員order(見下圖)，其餘食物就响自助區拎，先講自助區食物有：午餐肉、芝士丸、醬爆肉丸、蟹籽丸、豬膶、蟹柳、芝士腸、響鈴、炸腐皮、生根、炸魚皮、豆腐、萵筍、炸芋頭、鮮冬菇、黑木耳、粟米、籮白、冬瓜、粉麵、芋絲、餃子、娃娃菜、唐生菜、油麥菜、墨魚滑、羊肉滑👎🏻、魷魚......種類極多，但無乜特別推介；而熟食食物有：魚蛋、炸雞翼、炸薯角、口水雞👎🏻、啪青瓜......飲品方面較普通：康師傅冰紅茶、冰綠茶、酸梅湯👍🏻、橙汁、烏龍茶、不知名啤酒......經店員order嘅食物，只試過以下：鴛鴦鍋 (麻辣＋清湯)🥢🥢🥢麻辣唔麻都唔辣，只得油同好多辣椒，响街買一包紅色小肥羊湯底仲正過店食好多；清湯味道無變，香濃藥材味，同大陸小肥羊湯