那霸沖繩料理 (已結業)

之前去沖繩旅行因為打風, 食唔到流球料理, 回港後要食番夠本... 未夠12點, 得我地一枱客, 我地Order咗2個Set Lunch...午餐有接近20款選擇, 緊有一款啱你心水!!! 午餐沙律及前菜--苦瓜蕃茄沙律好新鮮, 一D苦味都冇, 配埋沙律醬好好味... 凍豆腐好有豆味... 涼瓜炒豬肉--每次都要食呢一味!!! 涼瓜完全唔苦, 配埋豬肉同豆腐同蛋醬, 仲覺得甜添呀... 香蔥牛肉卷--天氣太熱, 標晒汗, 所以唔叫必吃嘅牛肉豆腐鍋啦... 今日試下叫香蔥牛肉卷, 都好好味喎, D蔥炒得好香呀, 配埋薄牛肉, 好好味呀... 仲要配菜係沙律, 正... 服務很好, 每次奉上餐飲前都會抺枱, 而且女服務員連我地次次都係飲熱柚子蜜都記得, 利害!!! 環境都好寧靜, 坐得好舒服... 食物亦好足料... 拉姑誠意推介!!!