象屋 (已結業)

間野開左都一段時間，今日瞓醒亞娘提議黎食，佢話個冬陰功好味，就黎會一會佢叫左兩個午餐冬陰功湯麵$58，我叫左個雙旦蔥油雞髀飯$53。加個金磚包冬陰功湯底真係好濃好好味，但因為河粉吸d湯吸等好快，不過我地同侍應反映佢地好快就拎陰碗湯出黎。👍至於我個雞髀飯呢，好大碟好足料，雞髀味都幾好，不過食到中間發現未熟，叫職員過黎，又係頭先比湯我地位經理快人一步（經理真係唔同d,眼明手快，一眼關七） 佢即刻話換過比我，仲好細心問要唔要轉其他野，係咁講唔好意思😌 所以感覺非常良好。金磚包即整好脆好香蒜蓉味，下次要加個咖喱襯下😋$53包埋野飲，環境又乾淨，仲要咁好服務真係超至口，應該會經常幫襯，再發掘下有咩出色野食。