中國冰室 (已結業)

因為喺隔離街樓上鋪佩左眼鏡要等一個鐘先有得攞，所以搵個地方食下野，行到街市見到呢間懷舊茶餐廳應該有d料到，踏入門口已經有位侍應嬸嬸招呼我地去樓上坐，一坐低就覺得呢度好似電影PTU d 警察歎下午茶既場景! 以呢度旺角至大角咀中間呢個位置，都算係好多人。講返食物先，黎得茶餐廳當然要叫返杯奶茶，奶茶係黑白奶茶，唔係好夠茶味，上枱戈陣已經凍左!西多士 - 普通。咖哩角 - 普通。炸雞脾 - 皮脆但肉唔嫩，有d鞋，炸過龍，不過粗薯條好好味。值得一讚既係侍應嬸嬸，比我地揀位坐，幫我地諗套餐定係散叫，又主動追單，茄汁、蜜糖唔洗叫都自動比我地，服務態度非常好! Like!