影片
更多
2004-07-15
33 瀏覽
第一次光顧荃灣北京樓,唔知係咪見我哋後生兼著得casual(T恤+長褲),受到以下禮遇:1. 兩個人12點幾去到,明明仲有唔少大細吉枱,啲侍應都好勤力咁開咗張臨時枱畀我哋; 一宜食到兩點走人時,仲見有好多吉枱2. 由開茶一刻直到交點心紙後,完全冇侍應告知平日晏晝一點前落點心會有特價,隱約聽到佢哋分別通知隔離兩枱花枝招展嘅阿太茶客我哋先至知道(就算上嚟之前我哋都冇留意有無promo,純粹想試新嘢); 可能以為我哋後生,聽覺靈敏啲,唔駛再特登通知聲3. 臨近一點鐘,冇人嚟問我哋要唔要趁特價時間完結前再加點心,反而有問附近啲枱; 唔知係咪佢哋知情識趣,怕騒擾我哋撐枱腳4. 其中有碟嘢仲有少少食剩,有個waiter哥哥問都唔問就攞走咗,效率簡直一流5. 埋單時俾錢時,第一次幫趁,好自然睇下啲茶芥點計,同埋啲點心啱唔啱數咁啦(兩個人食咗6碟點心,埋單百三四倒),發現嗰位女部長啲表情好似愁眉深鎖,心事重重咁,搞到我幾乎想好心開解佢咁滯一句講晒,服務好到加零一呀!!!!!!!!!!
1. 兩個人12點幾去到,明明仲有唔少大細吉枱,啲侍應都好勤力咁開咗張臨時枱畀我哋; 一宜食到兩點走人時,仲見有好多吉枱
2. 由開茶一刻直到交點心紙後,完全冇侍應告知平日晏晝一點前落點心會有特價,隱約聽到佢哋分別通知隔離兩枱花枝招展嘅阿太茶客我哋先至知道(就算上嚟之前我哋都冇留意有無promo,純粹想試新嘢); 可能以為我哋後生,聽覺靈敏啲,唔駛再特登通知聲
3. 臨近一點鐘,冇人嚟問我哋要唔要趁特價時間完結前再加點心,反而有問附近啲枱; 唔知係咪佢哋知情識趣,怕騒擾我哋撐枱腳
4. 其中有碟嘢仲有少少食剩,有個waiter哥哥問都唔問就攞走咗,效率簡直一流
5. 埋單時俾錢時,第一次幫趁,好自然睇下啲茶芥點計,同埋啲點心啱唔啱數咁啦(兩個人食咗6碟點心,埋單百三四倒),發現嗰位女部長啲表情好似愁眉深鎖,心事重重咁,搞到我幾乎想好心開解佢咁滯
一句講晒,服務好到加零一呀!!!!!!!!!!
張貼