馬德里餐廳

營業中

休息中

落去食早餐，嘢食普普通通，唔係好好食，但又唔難食嘅，只食早餐，午餐晚餐唔會揀，因為好重味......最影響人去選擇食唔食係服務態度真係超級勁惡頂！！作為食客嘅嚟呢度係要預咗受氣同接受不平等的待遇！！落咗單凍檸茶要少冰，出單都無錯，但係嚟度無少冰，仲要係成杯都係冰，同個啡色髮馬尾的女侍應講，叫佢睇下成杯都係冰，反而發脾氣話係廚房問題，唔關佢事，頭也不回，檸茶都唔拎去幫忙換，唯有自己拎去廚房同另一個侍應講，都忍唔住都鬧咗幾句！可能被人話完，轉頭另一張枱要加奶，佢又拎去加... 睇心情做嘢？！定係有親戚關係？？咁嘅服務，真係第一次遇見！如果大家想去受氣，被人發洩，歡迎光顧，領教一下如此優質的服務態度！