虹橋海鮮酒家 (已結業)

今日同阿媽食下午飯, 食食下一肚氣, 事緣叫左碗$1焗豬扒飯, 個阿姐推架車將碗飯擺上台時, 阿媽叫到個賣相唔係咁好, 見到車上仲有幾十碗便要求個阿姐換o個碗, 個阿姐就一句講"冇得換架啦, 經理o黎都冇得換!", 從佢一個頂撞o既態度, 於是叫左經理人稱李明來, o個經理仲要好似唔想換咁. 態度亦都好悔氣咁去換過一碗來, 屋村酒家始終屋村酒家, 以前已經試過食物變質, d職員態度差, 最後要食環署上來, 也有一次食食下咖哩尤魚, 裡面竟然有個煙頭, 令我對此酒家絕對失望! 總結是此酒家食物賣相差, 職員服務態度極度惡劣!