沙嗲王 (眾安街) (已結業)

昨晚8:40上到3樓坐低落order，可能唔夠人手，叫左4，5次先有職員埋黎，朋友叫了一個沙嗲豬排，一杯珍珠奶茶，但職員落單原來係分開兩樣野落，冇講原來可以叫一個餐，食品一樣，價錢平啲，仲多個沙律或餐湯，到之後再叫佢改返做餐，佢仲要面黑黑咁話點解唔一早講，小喇叭，算啦，照落，講返落單時，有朋友唔小心倒瀉水，流到半條褲都濕晒，個職員仲好鎮定，叫我地可唔可以落埋單先？真係火都黎，講佢兩句先醒目抹枱，又算啦，風口位好快乾......落左個蟹粉豆腐鍋，因為以前食過好正，等呀等，到9:25都未黎，朋友都已經食完好耐，揾職員追單，叫左兩次都話黎緊，真係唔想等了，叫佢埋單，轉個頭個鍋就即到，睇到個樣我仲問返佢係咩黎，豆腐溝水喎，佢話冇錯，咁係我錯啦，又淡又冇料，得豆腐同幾條蟹柳囉，個飯用朋友的咖喱先食左半......由我坐低到埋單都係錯的.......荃灣依間唔會再黎!