花居酒屋 (已結業)

同幾個朋友去食壽司，花多眼亂。揀咗個松壽司拼盤，有成36件壽司，非常豐富。一嚟到勁大盤，賣相唔錯，好吸引。壽司有三文魚、帶子、海膽、蟹子、熟蝦及兩款卷物：青瓜卷及太卷，仲有玉子。另外，仲叫咗個鍋，有豆腐、三文魚、金菇、菜等等。三文魚有好多，基本上成個鍋都係，分量十足！不過個鍋相對地就湯唔夠多。整體味道幾好。另外叫咗天婦羅拼盤，新鮮炸起，夠香脆。有蝦三隻、南瓜、番薯、秋葵、冬菇及茄子各一。餐廳服務迅速，上菜快。員工有禮貌，食得開心。