元綠壽司 (已結業)

早兩日第一次去杏花村間元綠喥食，其實都好耐都無去過元綠，只不過係因為杏花村無得揀第二間，所以至去。啲侍應態度唔得，複單嗰時好似自己同自己講咁，晌我哋後面講，之但係講完一次都仲係會miss咗啲嘢食無唻。而且啲待應講嘢真係好細聲，無乜邊次聽得清佢哋講乜。啲嘢食又貴，元氣平好多，唔怪之得元氣成日都要排隊啦！仲俾我見到個待應晌喥把玩蓋係壽司上面嗰啲膠蓋，我想知佢玩完之後會拎去洗定擺番去用?!好得人驚~總括而言對呢間嘢印象麻麻！