泰‧蘭花 (MegaBox) (已結業)

諗住同老婆仔女去食下泰國嘢 點知一入門口已經冇服務員 迎接 我走入去搵侍應生 點知一個女職員態度超差 黑晒口面咁問我幾多個？ 我話兩大人 一BB 佢問都冇問我坐出面定入面 就呼喝式叫我 坐出面 ！ 如果唔係老婆要食我已經走咗 .. 無奈之下坐低左叫咗幾樣嘢食分別係海南雞 炸蝦餅 冬陰公湯 同埋 蟹肉炒粉絲 以為服務差就冇事 點知食物都一樣咁差 先講個炒粉絲 係炒到一團一團既 個蝦餅囗感好粉 我懷疑係啲蝦唔夠新鮮 所以非常之難食 最後講到海南雞先一絕 我叫咗半隻海南雞全部都有骨 仲要係一件等於正常食嘅例牌三件咁大舊 你不如原隻雞上枱俾我食好唔好 真係谷鬼氣 埋單嘅時候個女侍應仲係黑晒面咁樣收錢 都唔知得罪咗佢啲乜嘢 所以我哋唔會再有下次！