中午時間，同朋友各自叫咗lunch set +拿破崙蛋糕。
首先係芝士和牛漢堡，特別欣賞麵包兩邊都有用牛油烘過，所以食落口感脆脆的，而且10分鬆軟！
和牛大約七成熟，本人比較怕生，但係呢一個都食到，食落唔會好鞋，肉汁豐富。唯獨係薯條有少少苦味，唔知係咪炸得太耐呢？
另外叫咗燒雞配小米，原來隻燒雞都幾大隻，切得有啲辛苦，但係肉質好嫩滑的！
另外仲叫咗一個拿破崙蛋糕$68，比想像中細，同圖片都有啲唔同… （不過都預料咗🤣）
但呢個蛋糕真係唔得呀，都食過好多拿破崙蛋糕，但呢個餅底焗到窿晒，食每一啖都係苦既😔 士多啤梨都酸酸的，食咗幾啖就冇食啦，不過趕時間都費事同店員換了。
