影片
更多
2009-05-18
17 瀏覽
第一次寫食評, 竟然係寫投訢既食評昨晚同老公行開旺角, 見到食飯時間已到 (around 8:15pm), 又見好耐無去花園餐廳, 之後就走落去花園餐廳食飯, 起初都無咩特別野發生....但自上菜起就就發生左好多事~~~我和老公分別叫左2個扒, 當服務員上扒既時候, 以下係我同個男服務員既對話: 男服務員:“要咩汁呀?”我:“黑椒汁呀,唔該”我:“等我一陣, 等我打開張紙巾先!” (我只打開左一半)男服務員:“唔洗啦, 埋d啦, 埋d啦!” (已經淋緊d汁落塊扒到)我:“咩埋d呀???” (都係淋緊) 男服務員:“叫你張紙巾放埋d咪得羅!!” (佢係用吹促既語氣, 好似叫我快d唔好左住佢羅)我覺得個男服務員d態度好唔得law, 完全唔會理會客人既感受, 如果我有小朋友係到點算呀? D汁彈親佢, 邊個負責呀? 你地公司呀~~個男服務員只係識得快, 咩都要快, 又無禮貌, 嫌我地左住佢咁, 仲有呀, 原本我都唔知有件咁既事, 係我老公同我講先知羅, 老公:“d服務員唔得羅, 如果要講客人壞話下次唔好係d客面前講” 我:“佢講邊個呀?”老公:“咪你羅, 頭先你聽唔到佢話緊你咩?”我:“聽唔到
昨晚同老公行開旺角, 見到食飯時間已到 (around 8:15pm), 又見好耐無去花園餐廳, 之後就走落去花園餐廳食飯, 起初都無咩特別野發生....但自上菜起就就發生左好多事~~~
我和老公分別叫左2個扒, 當服務員上扒既時候, 以下係我同個男服務員既對話:
男服務員:“要咩汁呀?”
我:“黑椒汁呀,唔該”
我:“等我一陣, 等我打開張紙巾先!” (我只打開左一半)
男服務員:“唔洗啦, 埋d啦, 埋d啦!” (已經淋緊d汁落塊扒到)
我:“咩埋d呀???” (都係淋緊)
男服務員:“叫你張紙巾放埋d咪得羅!!” (佢係用吹促既語氣, 好似叫我快d唔好左住佢羅)
我覺得個男服務員d態度好唔得law, 完全唔會理會客人既感受, 如果我有小朋友係到點算呀? D汁彈親佢, 邊個負責呀? 你地公司呀~~個男服務員只係識得快, 咩都要快, 又無禮貌, 嫌我地左住佢咁, 仲有呀, 原本我都唔知有件咁既事, 係我老公同我講先知羅,
老公:“d服務員唔得羅, 如果要講客人壞話下次唔好係d客面前講”
我:“佢講邊個呀?”
老公:“咪你羅, 頭先你聽唔到佢話緊你咩?”
我:“聽唔到呀, 佢講咩呀?”
老公:“佢話(同一個男服務員) 打咩開紙巾呀, 個個都係咁既啦!!!
我聽完之後仲嬲, 有無攪錯呀, 佢自己已經唔岩啦, 反而佢話個客多事, 呢d咩服務呀, 講人事非已經唔岩, 仲要比個客聽到, 所以我決定告知所有人聽~~~!!
食到一半, 我地想叫餐飲, 之後我舉手, 那個男服務員仲勁, 距離我地2-3張枱大叫問我地飲咩? (記住wo~~佢係企係到無行過黎, 佢係遠處大叫), 我都無講過我地一定係叫餐飲, 唔比我地要其他野架!! (雖然我地真係想叫餐飲), 但我地都無理佢, 剛剛有另一個女服務員走過黎services我地, 食完我地都即刻走, 我地決定唔會再幫襯佢!!!!
等我形容下個男服務員比大家識: (唔知佢個名, 因為無名牌)
是後生仔, around二, 三十幾歲左右, 穿白色裇衫, 黑色長褲, 打呔既, 短頭髮的
我以後都唔會幫襯佢地呀!!
張貼