好日子 (已結業)

今日原本開開心心同個朋友去飲茶11點幾去到攞位，我飛號碼係81，等左太約一個鐘。終於叫到78, 79......點知服務員一跳就跳左幾個號碼。我同朋友就去問佢啦。點知佢黑口黑面一粒聲都唔出。好啦。我好聲好氣問多幾次。其後亦有其他人上前問，果位服務員同樣黑口黑面唔出聲。我就忍唔到口話人地問你野出句聲啦。果位服務員就話講左你知囉。但由頭到尾係無出過聲我唔明佢點可以話講左我知。其後我咪講你態度都好差喎。問你點解會跳號碼，你答左人咪無事囉，點之條友就講粗口關你X事咩，之後就開火同佢嘈，嘈唔夠幾句我癈事同佢嘈，我就話我要向你公司投訴你。但另一位部長比左張咭片我。佢叫我打呢個電話，但果個電話就係果間酒樓既電話黎 ，我再問佢拎佢個名投訴，我話佢地無個牌掛係衫到我費時投訴錯人，點知佢地唔肯講，好。無問題我咪影佢相囉，之後果服務員話做咩影我相，我報警！你唔好走，我咪同佢講，好我唔走我坐係入面等警察黎，我唔明係公眾地方點解唔比人影相，警察黎到我同佢地講返成件事佢地都好無奈點解要攪到報警。原來開開心心放個假去飲過茶，比佢攪一攪無哂心機，之後上網搵佢地公司電話投訴，但發現係投訴無門，唯有在此舒發。以後都唔會去