小飛象葡國餐廳 (已結業)

復活節見得閑就去MEGA BOX睇戲, 上戲院中途見開左間小飛象葡國菜WO, 其實我仲好飽, 不過又想試下葡撻, 咁就兩個葡撻拎走啦, 個哥哥仲想比個西餅盒我地, 我話唔洗啦, 佢話好熱個喎, 最後都係比左張紙碟我地, 比左錢行開左幾步就忍唔住開餐啦, 個撻曾幾何時應該係好熱既, 可惜到我地食時已經係暖, 個皮仲唔多脆, 個底好油加上應該係放得太耐，所以D油浸住個底搞到個底直頭係林既, 甜蛋都算滑既有D偏甜, 如果可以多D蛋就更好啦, 雖然個葡撻唔多好食, 但哥哥既友善服務加晒分, 我又鐘意食葡國餐喎, 下次有機會就試下入去食晚餐啦~