影片
更多
2018-12-17
1773 瀏覽
銅鑼灣龍皇係一間服務奇差，食物質素低，收費高的餐廳一行3大1細，book左位，想同個知客拎位時，有位男侍應問調枱問題，知客小姐機關槍咁鬧左男侍應一輪，完全忽視我係企佢前面，依輪攻擊歷時差不多1分鐘我收到枱號係完全無用，枱上係無號碼，行到中間都揾唔到個人問下，著住黑色套裝(包括面色)的侍應成功隱藏食客中間揾到枱，無人開茶，叫左個一級黑面女侍應先拎左BB椅畀小朋友坐先，當佢幫我整緊張椅時，我順口叫佢一陣幫我開茶，佢的答法都好新穎：我整埋先得唔得姐？我頓時覺得我欠左佢，我真係要覆佢一句：我無叫你依家立即去開茶呀要加水只有三個結果：1. 茶壺一去無回頭 2. 係個茶壺旁邊經過數次都唔會加水 3.舉到手斷都無人理你想要comment下d食物，腦海中只記得兩樣：1. 燒腩仔 : 皮厚，唔太脆，最失敗係肉，實實的，肥dd都無2. 棗糕： 唔太甜，有咬口，棗的味道是有其他的點心，確實是普通價位的質素，不值中上價錢依家d酒樓都會每人放一份牙籤，一份頂多兩支，今日問侍應拎多一兩份牙籤，佢竟然指住張枱，意思可能係你地枱面咪有囉 天呀，真係對住成間黑口黑面黑衫黑褲的人，我可以點樣食得開心，堅決唔會再去，我想食
一行3大1細，book左位，想同個知客拎位時，有位男侍應問調枱問題，知客小姐機關槍咁鬧左男侍應一輪，完全忽視我係企佢前面，依輪攻擊歷時差不多1分鐘
我收到枱號係完全無用，枱上係無號碼，行到中間都揾唔到個人問下，著住黑色套裝(包括面色)的侍應成功隱藏食客中間
揾到枱，無人開茶，叫左個一級黑面女侍應先拎左BB椅畀小朋友坐先，當佢幫我整緊張椅時，我順口叫佢一陣幫我開茶，佢的答法都好新穎：我整埋先得唔得姐？我頓時覺得我欠左佢，我真係要覆佢一句：我無叫你依家立即去開茶呀
要加水只有三個結果：1. 茶壺一去無回頭 2. 係個茶壺旁邊經過數次都唔會加水 3.舉到手斷都無人理你
想要comment下d食物，腦海中只記得兩樣：
1. 燒腩仔 : 皮厚，唔太脆，最失敗係肉，實實的，肥dd都無
2. 棗糕： 唔太甜，有咬口，棗的味道是有
其他的點心，確實是普通價位的質素，不值中上價錢
依家d酒樓都會每人放一份牙籤，一份頂多兩支，今日問侍應拎多一兩份牙籤，佢竟然指住張枱，意思可能係你地枱面咪有囉
天呀，真係對住成間黑口黑面黑衫黑褲的人，我可以點樣食得開心，堅決唔會再去，我想食飯食得開心歡容d
張貼