影片
更多
2011-01-10
43 瀏覽
昨天男朋友想起同事介紹雞蟹煲, 決定去試試. 我地冇訂位, 差唔多7點到達, 有個女侍應問我地介唔介意搭枱, 如果唔介意即有, 唔想搭枱要等到8點後...要等1個鐘以上, 我地梗係唔等, 寧願搭枱啦. 跟住有另一個侍應帶我地去間舖最入面間房, 入面有一張大枱, 已經有一家四口等緊野食上枱. 我地一坐低, 個哥哥仔就問我地要叫乜野飲...我地係啱啱坐低, 褸都未除!!! 咁我男朋友就話一陣先叫啦.我地2個人叫咗個野菌花甲活蟹煲, 1 碟大手切肥牛同1碟菜, 再加1支五花茶. 首先講吓食物先, 佢個野菌花甲活蟹煲真係好好食, 個湯有香濃菌味, 花甲雖然細隻但鮮甜冇沙, 蟹多肉, 膏軟又甜. 連煲入面滾咗好耐d粟米都好甜. 個牛肉我覺得麻麻, 一口咬落去一陣'酥'味, 牛肉味唔濃. 好多地方好好多.喺我地食差唔多食晒個煲 (仲有牛肉同菜未食) 果時有個男侍應入黎, 以下係我地o既對話:w: "你地仲要食幾耐?" 果時同枱果一家四口已經走咗, 我: "我答唔到佢仲要食幾耐"w: "有1枱16位客人會喺20分鐘後到, 如果你地會食得耐o既, 我安排出面比你地坐"果時我地啱啱食
我地2個人叫咗個野菌花甲活蟹煲, 1 碟大手切肥牛同1碟菜, 再加1支五花茶. 首先講吓食物先, 佢個野菌花甲活蟹煲真係好好食, 個湯有香濃菌味, 花甲雖然細隻但鮮甜冇沙, 蟹多肉, 膏軟又甜. 連煲入面滾咗好耐d粟米都好甜. 個牛肉我覺得麻麻, 一口咬落去一陣'酥'味, 牛肉味唔濃. 好多地方好好多.
喺我地食差唔多食晒個煲 (仲有牛肉同菜未食) 果時有個男侍應入黎, 以下係我地o既對話:
w: "你地仲要食幾耐?"
果時同枱果一家四口已經走咗, 我: "我答唔到佢仲要食幾耐"
w: "有1枱16位客人會喺20分鐘後到, 如果你地會食得耐o既, 我安排出面比你地坐"
果時我地啱啱食完蟹, 又未洗手, 真係唔想換位
男朋友: "咁不如我地儘快食, 試吓20分鐘交枱, 唔得到時先至轉啦"
跟住我地都冇停過口密密食, 期間果個侍應好鬼鼠咁'裝' 過我地2次, 冇叫我地轉枱. 我男朋友去洗手間時見到隔離房冇人. 到我地食完埋單, 之前叫我地轉枱果個侍應走埋黎 '掉' 個單夾落枱, 過咗一陣就講 $xxx (通常會將單夾遞到面前然後講"多謝$xxx). 埋完單就咁走咗去, 一聲多謝都冇講. 雖然呢間唔係乜野高級食店, 我都唔會有乜要求. 但係果個侍應連服務行業基本o既服務態度都達唔到就真係好唔得. 食物味道再好都冇用, 我係唔會俾錢去受氣.
張貼