浪人日本料理 (已結業)

好耐冇寫過一篇想比十個讚既食評(以十個讚為滿分計)。服務態度一流。 雖然我地坐響走廊邊， 但侍應們經常會留意茶杯會唔會冇茶，冇會自己嚟加滿佢，我同朋友從來都唔使叫人嚟加茶。刺身新鮮，元貝唔係一粒仔果啲，係大大粒果隻，仲要係冇一開二嘅，好食。馬刀貝好甜，甜蝦都好新鮮。串燒就更加冇得輸，串串juicy, 脆肉瓜同雞翼都燒得香口好味， 朋友不停encore....炸物同天婦羅都不弱， 個炸蠔咬落去啲蠔汁仲多到咇咗出嚟之餘， 啲汁仲要甜既。個甜品(柚子雪葩)，絕不偷工減料，柚皮十足。總括嚟講，讚！