影片
更多
2019-02-26
24 瀏覽
雖然已經係春天，但天氣忽冷忽熱，令到打邊爐依然係我班朋友堆中仲有Market。有朋友好鐘意食辣，話有次行開尖沙咀見到有間新餐廳門面幾靚幾有特色，於是見到捉左我地呢班女人仔去食。一行8人，有D人食到辣，有D食唔到辣，於是我地叫左個鴛鴦煲，一邊係麻辣鍋(小辣)，一邊係松茸鍋，一上檯即刻飲入幾啖先，唔會好辣，但佢GE後勁十足，兩個湯都幾好飲。叫左個盛肉拼盤，鐘意食牛GE可以一次過試唔同GE部分，呢個盤入面有5款牛可以食，入面有本地肥牛、澳洲和牛、美國安格斯；美國肥牛同牛丸，牛肉都非常新鮮，入口牛味好重，好食！海鮮拼盤D野一樣豐富，非常鮮味，樣樣野都好大件，肉好多。大大隻美國桶蠔咁跌入去火鍋度，果種感覺非常爽皮，而其他GE海鮮都非常鮮甜，好好食。呢度除左拼盤之外，仲有好多四片同重慶特色小食試下，我地叫左個小酥肉，係用五花肉落鍋裹粉炸，入口香酥、爽口，但肥而不膩。放落邊爐浸幾下又得，直接現炸放入口食都得！重慶小麵，呢種麵口感順滑，放落麻辣火鍋煮，一流，D麵都幾索味，辣味十足，而口感亦非常特別，正。重慶係非常之興食豬腦，而呢度竟然有！豬腦入口好似豆腐咁滑，但比起豆腐帶少少腥味。夠膽食GE人不妨一食
雖然已經係春天，但天氣忽冷忽熱，令到打邊爐依然係我班朋友堆中仲有Market。有朋友好鐘意食辣，話有次行開尖沙咀見到有間新餐廳門面幾靚幾有特色，於是見到捉左我地呢班女人仔去食。
一行8人，有D人食到辣，有D食唔到辣，於是我地叫左個鴛鴦煲，一邊係麻辣鍋(小辣)，一邊係松茸鍋，一上檯即刻飲入幾啖先，唔會好辣，但佢GE後勁十足，兩個湯都幾好飲。
叫左個盛肉拼盤，鐘意食牛GE可以一次過試唔同GE部分，呢個盤入面有5款牛可以食，入面有本地肥牛、澳洲和牛、美國安格斯；美國肥牛同牛丸，牛肉都非常新鮮，入口牛味好重，好食！
海鮮拼盤D野一樣豐富，非常鮮味，樣樣野都好大件，肉好多。大大隻美國桶蠔咁跌入去火鍋度，果種感覺非常爽皮，而其他GE海鮮都非常鮮甜，好好食。
呢度除左拼盤之外，仲有好多四片同重慶特色小食試下，我地叫左個小酥肉，係用五花肉落鍋裹粉炸，入口香酥、爽口，但肥而不膩。放落邊爐浸幾下又得，直接現炸放入口食都得！
重慶小麵，呢種麵口感順滑，放落麻辣火鍋煮，一流，D麵都幾索味，辣味十足，而口感亦非常特別，正。
重慶係非常之興食豬腦，而呢度竟然有！豬腦入口好似豆腐咁滑，但比起豆腐帶少少腥味。夠膽食GE人不妨一食！
黑豆腐係香港比較少見到，同平時食開GE豆腐有D唔同，口感比較實淨D，但佢比較索味D，都幾特別。
我地仲叫左好多野食：
五色火鍋小龍包，口感有D似水餃多D，皮唔會太薄，所以個餡唔會因為煮得耐跌出黎。
炸響鈴，新鮮現炸，煮2-3秒即刻拎上黎食，放落去麻辣湯度煮，夠哂索味過癮！
白膳片，夠哂厚，好爽脆，正！
鵝腸擺盤非常靚，好似一座雪山咁，鵝腸洗得好乾淨，入口爽口，好食！
紐西蘭羊肉片，好香羊肉味，食材亦都新鮮。
呢度GE野食都非常好食，而服務都非常好，我地成檯人都食得非常開心。
張貼
