芳華絕代 (已結業)

我們一行4人，因為朋友們想支持黃餐廳所以就book這間，一入門口，見到裝修几特別，有好多大型燈箱，另外，如果要試這店最好先book位，因為當天食（星期一）都全店滿人。食物方面我們分別叫了： 1個2人餐（分別有：小食拼盤-8件（味道無乜特別）、冬陰公湯（大）（因病唔食得辣所以無試，朋友講味道ok)、泰式鹽燒烏頭魚（比出面食的同款，這條烏頭比較多細骨同埋唔夠入味）、泰式鮮蝦炒金邊粉（好味👍🏻但份量不太多）甜品（一個西米糕、另一個椰汁西米糕- 好味，夠椰汁味）；另外加了：香葉肉碎煎蛋飯（有茶餐廳味道）、青木瓜沙律（味道👌🏻不算太辣，但份量不多）串燒拼盤（味道👌🏻，價錢抵食）飲品叫了兩杯特飲：美祿恐龍（因朋友飲，所以無試）、話梅梳打（唔知是否來錯，他比了青檸梳打給我，但飲了就費事換）。整體來說：食物方面不過不失，服務方面，唔肯定是否唔夠人，而由於有兩層，所以就無特別。餐廳有兩層，座位與座位之間有些迫，那天我們坐的位置燈光就一般，如果有得選就不好坐近樓梯那邊，因影相唔靚。如果想試必定要book限時90分鐘，但無人都可以繼續坐。最後餐廳門口有打咭位可影