櫻之滙素食料理 (已結業)

有個朋友因為濕疹，所以開始試下食素，希望可以改善下啲皮膚。佢話上次食過呢間，覺得幾好食，所以介紹黎呢度食。入到去坐位偏細，有啲迫，唔係坐得好舒服。我地四個人，order 左佢地話招牌菜，拔絲骨/肉，菜苖，炒面，茄子煲，軟殼蟹壽司。佢個拔絲肉，雖然冇乜拔絲效果，但好味。我鐘意食茄子，所以呢個茄子煲我好like。個炒面都好好食，正。至於其他兩樣野就一般。最後加多個腰菓露同杏仁霜。整體食物質數都好味，可以再去。